ஒத்துக் கொள்கிறேன்
என் அசலைப்
போல் நானொன்றும்
அழகில்லை தான் ;
ஆனால்
இந்த உலகத்தில்
எனக்குத் தான்
ஏகப்பட்ட கிராக்கி ;
என் அசலுக்கும்
எனக்கும் நிறைய
வேற்றுமைகள் ;
என் அசலைப்
போல் எனக்கு
வாஸம் கிடையாது - அதனால்
யாருக்கும் என்னிடம்
நேசம் கிடையாது ;
என் அசலைப்
போல் நான்
வாடிப் போவதில்லை - ஆனால்
யாரும் என்னைச்
சூடிக் கொள்வதுமில்லை ;
என் அசலை
வண்டினங்கள் சுற்றும் ;
என்னை ஒரு
ஈ கூட சுத்தாது ;
என் அசலுக்காக
தண்ணீர் சிந்துவார்கள் ;
எனக்காக துளி
கண்ணீர் கூட சிந்தமாட்டார்கள் ;
என் அசலுக்கு
சூரிய வெளிச்சம்
தேவை ;
எனக்கு மின்விளக்கின்
வெளிச்சம் தான்
தேவை ;
என்று
பார்க்கப் பார்க்க
என் குளியலறைப்
பிளாஸ்டிக் பூ ;
என்ன செய்வது ?
நகல் என்றாலே
அப்படித் தானே :
நகல் என்றாலே
அப்படித் தானே :
'kudumba pennai pol pulambikondirundadu'
ReplyDeletenow, why do i find it a little offensive? :P